HANTSI..... SHIRIN FITSARA NA RAI DANGIN GORO

Shirin 'RAI DANGIN GORO' hmmmm . . . !!!

Idan malamanmu na addini baza su yunkura ba wajen
samun wani malami zakakuri, mai zalaka da zai dinga
karanto 'SIRAH' ko dai wani littafin na daban mai dauke da
tarihin rayuwar Annabi (saw), iyalansa, sahabbansa da
yakokin da akayi don daukaka addinin Allah, domin maye
gurbin ko janye tunanin al'ummarmu daga wancan layin
na gangan, shirin da kullum yake gafalantar, shashantar,
dakilar, gurbatar da tunanin iyaye mata (musamman
matasan iyaye 'yan wajejen 25. . .30 . . .40 . . . haka).
Hakika shirin ya damfaru da zukatan al'ummar da a
matakin shekaru yakamata ace sun mai da kai tare da
bada himmarsu kacokan kan kalubalen da yake tunkararsu
kuma yake zame musu barazana a rayuwa wato samun
'SAHIHIYAR KO INGATACCIYAR TARBIYYAR
MUSULUNCHI da YAKIN NEMAN ILIMIN ADDINI DANA
BOKO domin aiki dashi ba don aikatau dashi ba (ina fatan
an gane bambancin aiki da aikatau).
Wasu lokutan baya Mal. Aminu Ibrahim Daurawa yayi wani
shirin tarihin sahabbai a Freedom FM, shirin ya samu
karbuwa sosai, akwai shirin Mal. Saminu Yakasai na 'AIKI
DA LURA' koda yake shirin yafi armashi da samun dimbin
masu sauraro lokacin da yake RAHAMA FM, kafin ya
sauya wajen aiki zuwa Wazobia FM. Ire-iren wadannan
malamai masu zalakar harshe da iya sarrafa shi irin na
wancan ISA mai shirin RAI DANGIN GORO, su yakamata su
kara yunkurowa da dimbin shirye-shiryen addini masu
kayatarwa don dasa tarbiyya da yad'a ilimi ga miliyoyin
al'ummar da shirin RAI DANGIN GORO ya d'amfaru kuma
yake kara cigaba da samun tasiri a zukatansu, gaskiya
al'umma sun jefar da GASKE sun rungumi GAN-GAN. Kada
kuso kuga yadda shirin ke sanya matasa rawar jiki da
dauki a kowacce safiya.
Duk mai sanya idanu akan iyalansa da mai sanya kunnuwa
ga hirarrakin da matan gidajenmu da yaranmu matasa
mazansu da matansu, zaiji yadda suke haddace sidira
bayan sidira, shafi bayan shafi na littafin GAN-GAN da ake
karantowa a shirin RAI DANGIN GORO na karfe 9:30 -
10:00 na kowacce safiya a wata kafar watsa labarai dake
zangon FM.
HATTARA DAI MAGIDANTA, AIKACE-AIKACEN GIDA SUNA
SAMUN TAZGARO A WANNAN LOKACIN.
Kuma wani abin takaici shine, akwai shirin addinin
musulunchi na Dr. Aliyu Isa Fantami da yake biyo bayan
shi wancan watsattsen shiri na RAI DANGIN GORO da
misalin 10:00, wato da zarar 10:00 tayi dai-dai da fara
sauraron Dr. Fantami sai kaga gayyar sauraron RAI
DANGIN GORO ta watse, wasu kuma kashe radio ma suke
kwata-kwata.
KAI CO ! KAI CO !! KAI CO !!!