Kungiyar Izala tayi kira ga Mata da su rike Sanya Hijabi da Hannu Biyu. (Jibwis Nigeria)

Sheikh Abdullahi Bala Lau, Shine Shugaban Kungiyar na kasa, kuma shi yayi wannan kira ga su iyaye Mata akan Muhimmancin sanya hijabi a Musulunci.

Shehin Malamin yayi Kira ga mata musulmai da su kara rike Hijabi, Domin Allah Madaukakin Sarki yace" "Ya kai wannan Annabi, Fadawa Matanka da 'Ya'yanka Mata, da Kuma Matan Muminai (cewa), Su yafa Mayafansu. Wannanan Shi yafi kusanci da A gane Su. Don kada A cucesu. Allah kuma ya kasance mai gafara ne Mai rahama" (Suratul Ahzab 59).

Saboda haka kada ko wace mata ta ajiye hijabi, wai Don wasu na amfani da hijabi suyi ta'addanci. Babu shakka masu neman bata sunan Islam ne, haka kuma Allah yayi alkawarin daukaka addininsa ko kafirai sunki. 

Shugaban yace Hatsari ne babba ga alummar da suka bar iyalansu na fita babu hijabi. Allah Shine Wadda yayi ummurni da sallah da Azumi da zakka da hajji shi ne kuma yayi umurni da sanya hijabi. Saboda haka mata musulmai ku lizimci hijabi da istigfari, Domin hakan zai sa Mahaliccinmu ya tausaya mana. 

Allah ya azurta mu dayi masa da'a da bindokokin sa. Allah ya bamu zaman lafiya Mai dorewa a kasa. Amin.

Jibwis Nigeria
14/Shawwal/1436
30/July/2015